Stjórnarfundur SÍSL, miðvikudaginn 13. febrúar 2008.

Viðstödd voru: Kári Húnfjörð Einarsson, Karen Sturlaugsson og Helga Björg Arnardóttir.

Skipting í hljómsveitirnar komin á hreint. Unnið í að skipta aðstoðarmönnum niður á sveitirnar. Búið að fá aukaslagverksfólk til þess að tromma í gulu, rauðu og grænu sveitinni svo að allir slagverkleikararnir séu lausir til þess að taka þátt í námskeiðinu.

Einhverjir af kennaraliðinu verða líka notaðir á hljóðfæri þar sem vantar í hópana. Það fólk verður látið vita.

Heildarfjöldi þáttakenda er kominn upp í 311 manns.

Slagverks kennari námskeiðssins, Thom Hannum, gaf fyrirmæli um skiptingu slagverksleikaranna á hljóðfæri, þannig að ekki séu allir að mæta einungis með sneril.

Hann virðist einnig koma vel undirbúinn því borist hefur til landsins sending frá D€™Addario(fyrirtæki sem hann er að kynna fyrir) sem inniheldur vinnuefni fyrir námskeiðið og kennslubækur.

Ekki fleira rætt og fundi slitið.

Helga Björg Arnardóttir, ritari.