Fundargerð 2002-07 --- 26. september

1.      Landsmót.  Umsóknir um landsmót ársins 2005 frá síðasta aðalfundi skoðaðar.  Birgir tekur að sér að ræða við fulltrúa hljómsveitarinnar á Akranesi um að halda landsmót 2005.  Birgir hefur einnig haft sambnd við mótshaldara 2003 og nánari upplýsinga frá þeim er að vænta á næstu vikum.  Minna þarf mótshaldara á að boða formlega til landsmóts.  Rætt um skipulag landsmóta og kostnað, fjallað um tíðni móta og að hafa mótin jafnvel á 18 mánaða fresti, haust og vormót til skiptis.

2.      Lúðrasveit Æskunnar.  Setja þarf dagskrá/vinnuplan fyrir árið.  Mikilvægt að stjórnendur sveitanna styðji sína nemendur og leggi áherslu á að nemendur sinni þessu vel ef þeir komast að.  Rætt um framkvæmd prufuspilsins.  Hugmyndin er að hafa prufuspil þrískipt:

·        Sama verk fyrir alla nem. á sama hljóðfæri,

·        Verk að eigin vali,

·        Ólesið efni.

Inntökuskilyrði eru að vera orðin 14 ára, og vera hljóðfæraleikari í skólalúðrasveit.  Einnig skal leikni viðkomandi miðist við IV - V stig.  Þeir sem taka þátt í LÆ gangast undir þá skyldu að mæta á landsmót á Akureyri þar sem aðaltónleikar sveitarinnar verða haldnir.  Inntökupróf verða haldin í janúar á næsta ári og innan skamms þarf að senda út umsóknir og auglýsa umsóknarfrestinn.. 

Æfingahelgar verði í mars og apríl og æskilegt að önnur æfingahelgin verði á Akureyri.  Síðan verða æfingar föstudag, laugardag og sunnudag á landsmótinu og tónleikar á sunnudeginum ílok landsmóts.