Á döfinni: Landsmót C-sveita á Akureyri!

Stjórn SÍSL er í óða önn að skipuleggja landsmót C-sveita sem haldið verður á Akureyri helgina 7.-9. október 2022. Við biðjum ykkur um að taka helgina frá og setja hana í skóladagatal. Við sendum póst út á næstu vikum um nánara skipulag mótsins. 
Við erum einnig að skipuleggja Óskalög þjóðarinnar í Hörpu sem fyrirhugað er að halda í nóvember 2022 en nánari dagsetning kemur þegar samningar hafa náðst við tónleikahúsið Hörpu.
Við minnum einnig á að skipulag landsmóts A/B-sveita er hafið en stefnt er á að halda slíkt mót vorið 2023.
 
Nýja stjórnin er gífurlega spennt fyrir komandi starfsári enda í miklum framkvæmdarhug.
 
Gleðilegt sumar,
stjórn SÍSL.

Landsmót C sveita á Akureyri

Helgina 12. – 14. október heldur SÍSL landsmót fyrir elstu nemendur sína. Mótið er frábrugðið landsmótum yngri sveita þar sem nú er í boði fyrir krakkana að sækja sér ýmis námskeið eða smiðjur, allt frá ukulele námskeiði til stórrar blásarasveitar.

Nemendurnir sjálfir velja hvaða námskeið þau sækja og því ættu allir að fá eitthvað fyrir sinn snúð. Á laugardagskvöldi verður skemmtun þar sem m.a. Hundur í óskilum kemur fram.
Sunnudaginn 14. okt kl.13 verða tónleikar í Hofi þar sem flutt verða atriði úr einhverjum af þeim námskeiðum sem fara fram þessa helgi. Það eru allir velkomnir á tónleikana og enginn aðgangseyrir.

Hér er hægt að nálgast ýmsar upplýsingar vegna mótsins:

Dagskrá mótsins

Kort og símanúmer

Kort á Google Maps

Nafnalisti og smiðjur

Hvað á að hafa með sér í smiðjurnar?